تذكرنــي
التسجيل التعليمات التقويم البحث مشاركات اليوم اجعل كافة الأقسام مقروءة

أدخل بريدك الإلكتروني هنا  ليصلك جديدنا

اسلاميات ، مذكرات تخرج ، مذكرات تعليمية ، برامج اسلامية ، برامج عامة ، التحضير للبكلورياء ،شهادة التعليم المتوسط،شهادة التعليم الابتدائي ، التوظيف المختلف جميع الاختصاصات 

للتسجيل اضغط هـنـا

Custom Search

ماشاء الله تبارك الله ماشاء الله لاقوة الا بالله




الملاحظات

قسم الهندسة الهندسة , المعمارية, الميكانيكية, الكهربائية, الانشائية. برامج هندسية, مشاريع, تقارير, أبحاث

اضافة رد

 
أدوات الموضوع انواع عرض الموضوع

رقم المشاركة : ( 1 )
الصورة الرمزية هواء المعرفة
هواء المعرفة
المشرف العام
هواء المعرفة غير متواجد حالياً
 
رقم العضوية : 17309
تاريخ التسجيل : Oct 2011
مكان الإقامة : الجزائر
عدد المشاركات : 5,424
عدد النقاط : 60
قوة التقييم : هواء المعرفة will become famous soon enough
جديد اسس تصميم شبكات الحريق من شركة smg

كُتب : [ 15-02-2012 - 15:09 ]


انا : هواء المعرفة




السلام عليكم جميعا

قال رسول الله صلي الله علية وسلم (اذا مات ابن آدم انقطع عمله الا من ثلاث ... الحديث ، من بينها علم ينتفع به )
واسال الله ان يجعل ما اقوم به من مشاركات في ميزان حسناتي ، و ان يستفيد بها الجميع وانا الآن اقوم بالمشاركات واهدي هذه المعلومات لكل اعضاء المنتدي
ولا انسي ان اوجه الشكر لكل من ساهم في هذا العمل واعداد هذه المعلومات من اعضاء شركة SMG و هم الزملاء م سيد حلاوة ، م ماجد ، م محمد عبدالسلام

نبدا الدورة باذن الله تعالي

تنقسم انظمة الاطفاء الي نوعين رئيسين هما :water system & gas system
و نوع ثالث هو الـ FOAM SYSTEM
بعد ذلك ينقسم كل نوع الي جزاين :
manual و automatic

وسنتعرف بالتدريج على:
  • كيفية استخدام كل نظام
  • و اين يتم استخدامه ؟
  • وماهي اشتراطات الكود العالمي NFPA لكل نظام ،
  • وماهي اسس التصميم الخاصة بكل نظام


  • وسنبدا بالنظام الاول والاكثر شيوعا في الاستخدام وهو WATER SYSTEM وكما وضحنا ينقسم الي :
    AUTOMATIC متمثلا في automatic sprinkler systems و
MANUAL متمثلا في ثلاث :
fire hose cabinet FHC ،

fire hydrant ، Siamese connection

وسنبدا بانظمة الاطفاء اليدوية manual :

صناديق إطفاء الحريق FHC
كما ينص الكود (ملحوظة لما اقول الكود يبقي نفهم كود الNFPA ) انه توجد ثلاثة اصناف من صناديق اطفاء الحريق :

class of stand pipe
class A :FHC 2.5
يعني لما تشوف صندوق حريق تبقي عارف هو من اي صنف ولازم تعرف انه بيوضع ف اماكن معينة وله اشتراطات ف الكود من حيث كمية المياة الخارجة منه والضغط اللي لازم يكون خارج من فتحتة الخرطوم اللي لازم تبقي عارف ا
residual pressure هو ده الضغط اللي لازم عداد الضغط يقراه لما بتاع الدفاع المدني يجي يستلم منك في الموقع
في الحالة بتاعتنا في اول نوع اللي هو قياس 2.5" الضغط =7بار و لكن مسموح ببعض التجاوزات في الكود انه ممكن يقبل لحد 4.5 بار وده اللي الدفاع المدني بمصر بيشتغل بيه وكمية المياه الخارجة منه تساوي 250 جالون ف الدقيقة 250 GPM
وبيوضع في الاماكن التالية : عند كل المخارج والمداخل الرئيسية للمبني وعند سلالم ( درج ) الهروب ويوضع على الحوائط الخارجية حول المبني وعند ابواب الجراجات shutter door ،
والمسافة اللي نص عليها الكود بين الصندوق وابعد نقطة يمكن للصندوق ان يصل اليها اللي ف ناس كتير بتفهما غلط اللي بنسميها travel distance مسافة الارتحال وبتكون 45.7 متر وده طبعا بال throw بتاع الخرطوم وانا بقولك علشان تامن نفسك ومعظم المهندسين والمكاتب الاستشارية الكبيرة بتصمم على 35 متر


طبعا خد بالك كل المعلومات دي موجودة في الكود -NFPA14
يعني لازم يكون الكود موجود معاك وانت بتابع معايا

بكرة نكمل وهنشوف الصور الخاصة بالنوع الاول من الصناديق وهانزل ملف كاد فيه مشروع اتنفذ بكل المواصفات اللي قولتها

انظر المرفقات
بالمناسبة باذن الله لو الموضوع عجبكو هيكون ف باور بوينت بيشرح كل الكلام ده باذن الله

وخلي بالك من ملف الاتوكاد هو هيكون موزع الصناديق وفي بينهم OVER LAP وده صح ونت كمان لما تصمم خلي فيه تداخل علشان تامن نفسك وزي ما م سيد بيقول
هذه المشاركة ذات صلة بملتقى المهندسين العرب : http://www.arab-eng.org/vb/showthrea...#ixzz1mSYO2vJF


صناديق الحريق

أولا : صناديق الحريق ذات الخرطوم قطر 1.5 بوصة "class II :FHC 1.5
وزي ماقولت المرة اللي فاتت ان اللي يهمني أربع حاجات :
اولا : كمية المياه المتدفقة Q والضغط P ، ومسافة الارتحال TRAVEL DISTANCE ، واماكن وجوده او استخداماته

بالنسبة للصناديق اللي من النوع 1.5 بوصة فمميزاتها كلاتي :

Q =100 GPM & P =4.5 bar & T.D = 35 M with throw , take it 30 m to be safe

اماكن تركيبها : فهي يتم تركيبها في الطرقات والمررات الداخلية الطويلة وقاعات محاضرات الكليات وصالات الورش و الاماكن الداخلية من المصانع وصالات الانتاج ،
طبعا ممكن حد يسال ايه الفرق بينها والنوع اللي قبله انا اقولك :

صناديق ال2.5 بوصة علشان تستخدمها لازم تكون مدرب على كيفية استخدامها اما صناديق ال1.5 بوصة فدي للاشخاص العاديين يعني اي حد ممكن يشغلها من افراد المبني علشان كده تلاحظ انها موجودة ف اماكن ممكن ناس مش مدربين هما اللي يستخدموها

طيب حاجة كمان :مين الشركات المنتجة لكلا الصناديق او اشهرهم اقولكم وربنا يجازي كل من ساهم في هذه المعلومات
اشهر الشركات ف السوق : siffco & bavaria وطبعا في شركات تانية كتير بس دول الاشهر

حاجة كمان مهمة الناس لازم تعرف ان:
الصندوق 1.5 بوصة الخرطوم بتاعه بيكون 1 بوصة زي ما كل الشركات دلوقتي مصنعاه

حاجة كمان النوع ال2.5 بوصة يتميز انه فيه محبس اسمه landing valve وده بيكون خارج الصندوق بركب فيه الخرطوم الكتان اما النوع 1.5 بوصة فده في محبس عادي سكينة او ball valve الي هتلاقهيم بالصور

النوع الثالث والاخير
class III
وهو عبارة عن صندوق يجمع بين النوع الاول والثاني (1.5 بوصة +2.5 بوصة ) وغالبا مايكون خرطوم ال2.5 بوصة منعزل في اسفل الصندوق او موضوع في rack وهقولك معلومة صغيرة تفرق بين حاجة اسمها hose reel يعني خرطوم ملفوف ف بكرة بينما hose rack يعني خرطوم موضوع و مطوي طيات و معلق ف حاضنة حاجة زي مجري او مسار ف اتجاه خطي وده زي اللي بنشوفه ف محطة المترو وبيسموه احيانا fire station لانك بتلاقي فيه طفايات حريق من نوع CLASS I و CLASS II و هنتكلم بردو عنها ان شاء الله

معلومات هامة لازم تبقي عارفها
1- الكود بقولك ان اقصي ضغط ممكن يكون في شبكة المواسير اللي بتشتغل بنظام الصناديق هو 4.2 بار
2-الكود بيقولك كمان ان اقصي ضغط ممكن يتحمله صندوق الحريق ال 1.5 هو 6.9 بار اللي هو اسمه residual pressure
3- اقل قطر للماسورة اللي بتغذي نظام يعمل بالصناديق فقط تكون 4 بوصة اللي هو اسمه الmain riser أي قائم التغذية الرئيسي
4- اما لو كان المكان فيه نظام الصناديق و نظام الرشاشات معا يعني اسمه combined system فلازم يكون قطر ماسورة التغذية الرئيسة 6 بوصة main riser
5- الكود بيقولك لو كنت شغال حساباتك بطريقة الـ hydraulic calculation فممكن يكون الخط الرئيسي المغذي للنظام المشترك السابق اللي ذكرته انه يكون 4 بوصة
حاجة مهمة لازم تكون عارف ان فيه طريقتين انا بحسب بيها : الأولي اسمها pipe schedule و طريقة حسابات اخري اسمها ال hydraulic calculation لما نتعرف على نظام الرشاشات وندرسه هنوضح الفرق بينهم ان شاء الله

كل المعلومات اللي ذكرناها من الكود NFPA 14

ان شاء الله هيكون فيه محاضرة خصيصا اعلمك ازاي تتعامل مع الكود ، وهندرس ايضا اهم المصطلحات اللي يجب على كل مهندس أعمال الميكانيكية mep يكون ملم بيها وكمان هيكون فيه محاضرة تعلمك ازاي تبدا تنفذ مشروع حريق

ومابي من تقصير فمن الشيطان وما بي من توفيق فمن الله


ف النهاية ارجو ان اكون قد وفقت وكل الشكر والتقدير لله ثم لكل من اعانني على فهم هذا كله بالاخص المهندس القدير واستاذي الجليل م سيد حلاوة لاني اتعلمت كل الكلام ده من خلال الشغل والعمل والدراسة في شركة smg

توقيع : هواء المعرفة



اذا كان الانسان و ضدي فانا جزائري اهوى التحدي و لو دق الموت بابي و شاء ربي ان يطوي كتابي
فسوف اموت و تحيا بلادي
اعشقك ياجزائر بلاد الرجال و الشرف و الشهامة



رد مع إقتباس
بياناتي
 رقم المشاركة : ( 2 )
قلب المعرفة
المشرفين الرئيسيين
رقم العضوية : 6
تاريخ التسجيل : Nov 2009
مكان الإقامة : الجلفة
عدد المشاركات : 10,837
عدد النقاط : 57

قلب المعرفة غير متواجد حالياً

افتراضي رد: اسس تصميم شبكات الحريق من شركة smg

كُتب : [ 15-02-2012 - 16:35 ]


انا : قلب المعرفة


شكرااااااااااااااااااااا



توقيع : قلب المعرفة

رد مع إقتباس

اضافة رد

العلامات المرجعية

الكلمات الدلالية (Tags)
الحريق, اسس, تصميم, شبكات, شركة, smg


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
تحميل برنامج ويرلس كى فيو لفك باسورد شبكات الويرلس بالشرح بالصور download WirelessKey modoo قسم البرامج العامة 0 01-01-2012 14:44
تحميل واى فاى هوبر WiFi Hopper 1.2 لكشف شبكات الويرلس والاتصال بها مباشرة modoo قسم البرامج العامة 1 05-12-2011 12:42
الحموضة Heartburnو نصائح لإخماد الحريق.. بنت العرب قسم الوقاية 0 10-07-2011 07:53
برنـامج للبحث عن شبكات الوايرليس WeFi and WeROK v1.9.12 مستر بات مان قسم برامج الجوال 0 10-11-2010 17:59
جهاز انذار الحريق النبيل رستم القسم العام 2 03-01-2010 14:54

toolbar powered by Conduit

أدخل بريدك الإلكتروني هنا  ليصلك جديدنا

اسلاميات ، مذكرات تخرج ، مذكرات تعليمية ، برامج اسلامية ، برامج عامة ، التحضير للبكلورياء ،شهادة التعليم المتوسط،شهادة التعليم الابتدائي ، التوظيف المختلف جميع الاختصاصات 

Delivered by FeedBurner

Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%A7%D9%84%D9%85%D8%B9%D8%B1%D9%81%D8%A9 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to Windows Live iPing-it Add to Feedage RSS Alerts Add To Fwicki
Add to Spoken to You

جميع الأوقات بتوقيت GMT +1. الساعة الآن 21:31.